TIRAK
Tiraknu diti
biano ,nunu it koyab
kotiri romou!
ONY
3/3/2017
KOUNSIKAHAN ID SUANG KOSIMBAYANAN
notoliban to tadau konihab
mundaliu do iso timpu om timpu
kuma’a tiso om iso suai
au to apa’asan mulong olunggui
kounsikou soira osimbayan
mulong lumampai liyud topuhod
monuan disan lo bawang
osiliu do piraung
nga poingkakat to kasari
id suang kosianan-Minamangun
tolikudan to ih ingga rati
sundung sompi aiso komi
mongidu boros di tolitok
gisom koguli numiting
miagal bolobou di kosuabon
ALOYINDRA
Puchong
@MOMOGUNSIA
040317
POSIK
Tumungag tokou
minsasarap neti
aiso noh bolobou
sumilau noh tadau
kada noh modop
kada noh muntokul
aaduan dot tobul.
Kayou mosik
gumura magama
tumuun id tana
mongoi gumama
Posikk!
ONY BASALIN
4/3/2017
MONGORILIK
Asaah no ilo dangol
asaah no ilo gagamas
asaah no ilo tuukad
asaah no ilo beliung
asaah no ilo kapak
asaah no ilo sangkul
mongoi tokou mongorilik
mongoi tokou managad
mongoi tokou gumamas
mongoi tokou mongukad
mogiim do koposian
siti pomogunan.
Kayou mongorilik.
HANAFIAH MZ
kg. Batangan
Tuaran
4/3/2017
MITATABANG
Tuunai tokou
tabango tokou
mongomot dot parai
potindal ad walai
Isuang ad tongkob
korikot amu kalabai.
Aiso noh suwai
intatangan
aiso noh suwai
Indududan
tokou noh misosondiw
tokou noh mitatabang
misokubang songgogonot
songpomogunan .
Kayou mitatabang
powat poturidong
kopoposion .
ONY BASALIN
Damai – Kuranji
4/3/2017
MONGORILIK
Asaah no ilo dangol
asaah no ilo gagamas
asaah no ilo tuukad
asaah no ilo wasoi
asaah no ilo kapak
asaah no ilo sangkul
mongoi tokou mongorilik
mongoi tokou managad
mongoi tokou gumamas
mongoi tokou mongukad
mogiim do koposian
siti pomogunan.
Kayou mongorilik.
HANAFIAH MZ
Kg. Batangan
Tuaran
4/3/2017
