Di HENRY BATING
SOOK: Toririmo do momuruan manaak katamangan kumaa mogigiyon ngawi di au osonong oh pogigiyon miampai manaak ponoguangan mongoi kakap montok popotunui do toluod.
Ingkaa nogi montok di Montiri Komulakan om Sipoot Datuk Ellron Alfred Angin ontok minongoi toronong kumakap do piipiro mogigiyon di au olidas miampai poinrondon id walai.
“Suai ko mongoi kakap, manaak tokou nogi ponoguangan kumaa kobolingkangan di otoguangan do paganakan kohompit,” ka di Ellron tu isio po nogi wagu oh Puru Lansanon Koundangan Pogun (ADUN) Sook.
Ontok kinotombuluian di koniab, minongoi ih Ellron kakap di James Tambangan id walai dau hilo id Kg Bunang Laut, Justina Somporou om ih Martin Anthony Kaddis @ Kabis id Kg Papar Baru.
Naamot dilo, pinopotunui nogi Ellron do toluod kumaa tanak di Martin ih Adelyn Mac montok pomoli laptop panakadai balajar.
