Di HENRY BATING
PENAMPANG: Nokoindalan oh Panahakan Vaksin Komuniti Kampung Watas Penampang di koniab ih kapaampai do kokompungan ngawi tongosodu ponong id Timpayasa, Tiku, Buayan om Pongobonon.
Pinopointalang ih Momuruan Kotundaan Mogigiyon (PPM) Moyog Joe Suleiman do ababayan nopo dilo nga pinoindalan do Kolinik Kolidasan Maapanau Penampang miampai sokodung do momuruan ngawi kinoiyonon.
“Pinapanau oh ababayan dilo mongoi karamit nodi vaksin oh mogiigiyon ngawi id kampung tongosodu,” ka di Joe.
Kampung ngawi narait nopo nga ponong hilo id Longkogungan ih orikot maya talun-alun om nogi mamanau takod gisom pikiikiro limo toi ko turu jam.
POINTANUD: Joe nga poingamung minanaak vaksin id kokompungan.
Ontok tumombului kumaa id kokompungan ngawi narait, suunan om boboon ngawi oh gurangot koburu-buruon tumakad, lumapai, marabai om rumuhuk do nuluhon miampai misoborong do bawang.
Noboros di Joe do ababayan kapanaakan sungkit vaksin nopo dilo nga kapanau poompus duwo tadau.
