Koisaan papaabal Labuan pinataak sakadai munggui nohizudan RM10,000

Jainuddin potunui sakadai kumaa mogiigizon.

LABUAN: Pinopotikid do sakadai taakanon kigatang do RM10,000 oh Koisaan Papaabal Labuan kuminaa munggui ngavi nohizudan doid Tana Pisompuuvan doiti di kavavagu.

Minoboos ih Poniikoon Koisaan Papaabal Labuan, Jainuddin Djimin do sakadai diho nopo nga kapaampai do 100 hinapatan ih potitikid do iso hinapatan nosuangan do mogisuusuvai taakanon kigatang do RM100 iso.

Kopotikidan sakadai diti nopo nga pataakon migontob-gontob om montok ponimpuunan kiginumu do 34 mogiigizon nokotoimo,” ka dau di ontok pinopotikid do sakadai diho.

Kinopotikidan do sakadai diho nopo nga nakapanau doid hongkod ponombuhuzan Tunas Hijau doid Sungai Lada ih pinataak maza kalaalahanon tumahib papanau kulita (pandu lalu).

Mogiigizon ngavi di nokotoimo nopo nga kapaampai do munggui ngavi mantad piipio kampung miaga ko Kg Rancha Rancha, Ganggarak, Sungai Lada, Sungai Bedaun om Batu Arang.

Poingampai nogi potindapou montok pinopotunui do sakadai diho ih Potunud Koupisan Kopoihaan Labuan ih Ab Rasil Hajatil om puu ngavi do koisaan papaabal nokomoi.

Pinopointahang ih Jainuddin do gontob sumusuut kopotunuzan do sakadai diho nopo nga ontok Tadau Koduvo doid natadon do KKMM, hinominon do koupisan ngavi id siibo do Komontilian Komunikasi om Multimedia Malaysia.

Nakapanau oh pinituubungan abal di ontok kahapas oh kinapataakan do sakadai diho.

scroll to top