Koperasi Star Padagang Luri Pongindopuan RM55,000

ANGOL-ANGOL: Dr Jeffrey mongumbal pohibok do luri pongindopuan.

Di HENRY BATING

KOTA KINABALU: Papadagang oh Kopstar Holdings do luri pongindopuan soginumu do 700 ih kigatang do RM55,000 tikid iso miampai potimpuun padagang do 200 luri toruhai diti.

Minoboros ih Ponirikohon do Koperasi Star Sabah Berhad (KSSB) Datuk Seri Dr Jeffrey Kitingan do luri tangol-angol nopo dilo nga kosudong kopio montok momutanom ngawi mogowit padagang do asil tanom diolo.

PINIDONDIAN: Dagang id pialatan do Kopstar om Trucknet.

“Luri nopo diti nga koirad nogi do kadai minhibok padagang om ih bobos tomurah gatang do baabaino diti,” ka disio.

Pinopointalang ih Dr Jeffrey dilo tu isio po nogi kawagu oh Kumoduwo Boyoon Montiri Sabah di ontok nakapanau oh pinisoinan dagang id pialatan do Kopstar Holdings om Trucknet Mechinary Trading Sdn Bhd.

Kopstar Holdings id siriba do KSSB binuruan di Datuk Iskandar Datuk Abdul Malik nopo dilo nga nakasaga papadagang do luri wonsoion do komponi Trucknet binuruan di Adren Chong.

MIKUNOMO: Luri pongindopuan.

Komponi Trucknet nopo nga monoguang kapamansaian om padagang do misin torukut-rukut momutanom.

Tumanud di Dr Jeffrey, Kopstar Holdings nopo nga komponi padagang om isai nopo nga obuli momoli do luri dilo. – Focus Right.

scroll to top