Kounsikaan STAR, Nga Tilombuson Dagai Parti Kawawagu, Ka Di Peter

PETER ANTHONY

Di HENRY BATING

KOTA KINABALU: Kounsikaan montok kotumbayaan om kapagangatan sumompuru id Parti Solidariti Tanah Airku (STAR) Sabah nga tumilombus ikoi tumoguang pulitik maya do parti kawawagu.

Ilo nopo nga noboros di Puru Lansanon Koundangan Pogun (ADUN) Melalap Datuk Peter Anthony montok kinapagangatan di Kumoduwo Boyoon Montiri Datuk Seri Dr Jeffrey G Kitingan mamung do STAR.

“Manaak ikoi do kopoilaan karait do parti kawawagu dilo toduruk tadau diti,” ka di Peter.

Poingkuro po ka di Peter, tumilombus isio monokiboros karait do pisompuruan tulun Momogun Sabah.

Pinopointalang nogi Peter do minggisom nogi isio monoguang do pisompuruan parti pulitik ngawi binuruan om sokodungon do tulun mamasok Momogun Sabah.

Ontok luminabus miampai di ADUN Limbahau Datuk Juil Nuatim mantad Parti Warisan Sabah, pinopolombus ih Dr Jeffrey tu isio po nogi kawagu oh Porosidin STAR do kapagangatan kumaa di Peter, Juil nogi nogi Peto Galim (ADUN Inanam) montok mamung do STAR.

scroll to top