Misompuru Homestay poomitanan ponombuluian tumolokin di nokoburu

Kokitanan do walai poginadapan tutumombului id Misompuru.

Kotob 1

Di HENRY BATING

ISO nopo do ontodon koburuon ikonomi id pogun tokou nga iti no ababayan ponombuluian tumolokin toi ko ‘homestay’.

Ogumu oh tulun tokou poingamung monoguang do pongindopuan diti. Poingkuro po nga ogumu nogi tulun tokou di au po noukab oh montok mampayat id pongindopuan diti.

Kakal awagat oh ginawo do umampai sabap nopo nga au po songkuro toilaan nung poingkuro kopio monoguang do pongindopuan tumolokin diti.

Iso nopo do pongitanan nung poingkukuro papanau do pongindopuan tumolokin diti nga ilo no miagal toguangon do ‘Misompuru Homestay’ id watas Kudat.

Ogumu ababayan papanahon id kinoiyonon dilo montok mangambalut do tombului ngawi di rumikot mongoi poginodop id watas nokomoi.

Id koiyonon diti, mogisusuai ababayan papanahon montok pokitanan kumaa toinsanan tombului ih kogumuan rumikot mantad id labus pogun.

Kogumuan do ababayan nopo nga kapaampai do koubasan tinaru do Rungus miagal ko kokitanan do walai tanaru om padagang mogisusuai wonsoi.

Tombului mantad labus pogun popouni tuunion koubasanan id Misompuru.

Ogumu kopio wonsoi tulun id koiyonon dilo miagal ko tagung, momonsoi do manik, momonsoi do paha potiukan om momonsoi do dian.

Haro nogi pomutanaman, kokobunan kouwaan, tumau sandad piasau, kotolunan bakau, bawang, koiyonon kisusuian om tisan rahat id Simpang Mengayau. – Oputan id kotob2

scroll to top