Di HENRY BATING
SOOK: Nakaramit do kapanaakan waig paip graviti oh mogigiyon 10 walai id Kg Mempulut hiti mantad no do toluod pinobuyu di Montiri Komulakan om Sipoot Datuk Ellron Alfred Angin.
Minoboros ih Ponirikohon JPKK Kg Mempulut Ajusun Santiri do ounsikou kopio mogigiyon kampung nakaramit do kapanaakan waig dilo mantad no do osodu oh kokompungan dilo do ontodon waig.
“Osodu di kopio mogigiyon mongoi sagou do waig,” ka dau.
Tumanud di Ajusun, oinsanan mogigiyon kampung dilo di solinaid diti nopo nga lumansan do waig mantad rasam montok koburu-buruon diolo tikid tadau.
Toluod di Ellron sabaagi Puru Lansanon Koundangan Pogun (ADUN) Sook dilo nopo nga pinotunui di Monunurat Pulitik Jre Jreneus Pagut di ontok Tadau Koiso, 19 Julai 2021.
Pinapanau do mogigiyon kampung oh kapamansaian panaakan waig paip graviti dilo do ontok nokorikot oh toluod kakamot paip mantad di Ellron.
