STAR Karambunai Pinotikid Sakadai Kuminaa 120 Mogigiyon Suang Parai

SUANG PARAI: Charles (kotolu gibang) potunui sakadai kuminaa di Reynolend montok Kg Suang Parai.

Di HENRY BATING

SEPANGGAR: Pinopotikid oh Parti Solidariti Tanah Airku (STAR) Sabah Boogian Karambunai do sakadai taakanon tikid tadau kuminaa mogigiyon ngawi id Kg Suang Parai somok 1Borneo hiti di koniab.

Kinopotikidan dilo nopo nga pinotunui di Monunurat Boogian STAR Karambunai WKAN Charles Arab kuminaa di Ponirikohon JPKK Kg Suang Parai Reynolend Bokulu.

“Sakadai nopo diti nga pinotoluod di Luguan Boogian STAR Karambunai Kapitan Stephen Teo,” ka di Charles tu isio po nogi kawagu oh Kumoduwo Ponirikohon Mongulud STAR Parlimen Sepanggar.

Tumanud di Charles, gisom baino kiwaa no soginumu do 120 rinukutan taakanon koburu-buruon tikid tadau nokotikid kuminaa mogigiyon ngawi id kampung dilo.

SAKADAI: Reynolend (gibang) potikid sakadai kuminaa id lamin ngawi.

Ih nopo di koniab, ka di Charles nga soginumu do 90 rinukutan taakanon tikid tadau pinotikid kuminaa 90 paganakan id kampung nokomoi.

“Kinopotikidan sakadai taakanon dilo tinoguang do JPKK paatod kuminaa id lamin ngawi,” ka dau.

scroll to top