Tohuod muzu-buzu montok munggui notutudan hamin Kg Landung Ayang

Agazo koozo kounsikaan kumaa Minamangun tu muzu-buzu nodi oh tohuod kumaa munggui ngavi notutudan hamin doid Kg Landung Ayang doiti ih nakapaampai kiginumu do 176 hamin.

KUDAT: Agazo koozo kounsikaan kumaa Minamangun tu muzu-buzu nodi oh tohuod kumaa munggui ngavi notutudan hamin doid Kg Landung Ayang doiti ih nakapaampai kiginumu do 176 hamin.

Tohuod di tadau baino (21/2) nopo nga pinobuzu di Shawn Davey, songuhun mongingindapu om nogi Kumoduvo Monguhud Parti Solidariti Tanah Airku (STAR) Sabah montok uvang Parlimen Kudat.

Tohuod dagai montok monginggaan kobohingkaangan otoguvang do mogigizon ngavi ih nakapaampai do 1762 tuhun,” ka dau ih tinanud nogi do kinouvangan ngavi do momuu’an parti nokomoi.

Nokointahang di Shawn iho di ontok minongoi paatod do tohuod kuminaa munggui notutudan hamin ngavi ih baino diti pointindooi naamot doiho id Hamin Titimungon Tuhun Ginumuan Tun Musthapha doiti.

Tumanud di Shawn, suvai ko pinopotunui do tohuod, kinaangazan dioho doid pinoizanan naamot do mogiigizon ngavi diho nopo nga montok nogi do mintong nung poingkuo pogiigizon dioho.

Maza do kotombuhuzan diti, ahansan izikoi do kapanaak kotuhungan montok monguhan do kobohingkaangan ngavi di otoguvang dioho poompus timpu mandad do otonduhi oh hamin ngavi dioho di notutudan,” ka dau.

Minoboos ih Shawn do montok kobohingkaangan di otoguvang, papanau nogi do pibaasan oh parti buu’anon disido montok mogium lahan manakadai do okon noopo ko ih munggui baino nga montok nogi do kaantakan ontok timpu dumonto.

Agazo kahansanan di Shawn do kaanu nogi izioho monuhung kumaa mogiigizon montok monuidong mahik do hamin dioho miampai do hobi avasi.

Bii’on tokou nogi montok monoodo do hamin di ouhud maza do blok ngavi om nogi sunsuzon konkrit mooi do ogingo nodi oh koizonon pomuhominan dioho,” ka di Shawn.

Montok diho, minggisom ih Shawn monongkiboos miampai koupisan ngavi montok pahabus kousinan panakadai monooodo do hamin ngavi notutudan doid Kg Landung Ayang kaampai no doid pototongkop uvang diti.

scroll to top