Mononduli Talun-Alun Notuhan Id Liau, Kikiran Kapaampai Do RM11 Riyong

DR JEFFREY mintong do palan monginsonong talun-alun.

KENINGAU: Toguangon kopio momonsoi oh talun-alun notuhan id Kg Liau Laut om Kg Kikiran do tosisikap diti ih kapaampai pongusin RM11 riyong mongoi kotimporon nodi oh sinonong talun-alun talahis Keningau – Apin-Apin dilo.

Minoboros ih Kumoduwo Boyoon Montiri Datuk Seri Dr Jeffrey Kitingan do laang monginsong dilo nopo nga kapaampai nogi momonsoi jambatan id Liau om monginsonong talun-alun tagayo notuhan id dontok Kg Kikiran Apin-Apin.

DR JEFFREY om tinimungan kumakap do talun-alun notuhan.

“Toguangon tokou kopio monginsonong oh kosobuton talun-alun dilo tosisikap diti,” ka dau tu isio po nogi kawagu oh Puru Parlimen Keningau om Puru Lansanon Koundangan Pogun (ADUN) Tambunan.

Noboros di Dr Jeffrey ilo di ontok minongoi kakap do duwo koiyonon nokomoi songkonihab.

Pinopointalang ih Dr Jeffrey tu isio po nogi kawagu oh Montiri Pomutanaman om Ponginsadaan do kapaganu doti timpu talaalaid momonsoi jambatan id dontok Kg Liau Laut.

“Nga momonsoi talun-alun nopuhut id dontok Kg Kikiran nopo nga oruhai do monginsonong,” ka dau tu isio po nogi kawagu oh Porosidin do Parti STAR.

DR JEFFREY mokinongou do palan karaja toguongon do JKR.

Naamot diti ka dau, sinonong oh wawayaan lumapus id talun-alun Magatang, Kg Liau om Kg Kikiran sabaagi wayaan naamot do korita ngawi pogulu do opongo laang mononduli kinaraagan nokomoi.

Poingampai nogi minooi kakap do ontok dilo ih Panakadai Montiri Karaja Tagayo Datuk Robert Tawik, isio po nogi kawagu oh ADUN Bingkor om ih Injinior JKR Sabah Ponong Sokid ih Zulkefli bin Salip Arjud.

Ontok kinotombuluian karaja dilo, minanaak ih Zulkefli do kopoilaan tosorisid kuminaa di Dr Jeffrey. – Mantad FB Focus Right.

scroll to top